قصيدة ياصانع المكياج الله يجازيك

يـا صانـع المكيـاج الله يجـازيـك
خليتني مخـدوع فـي شكـل خلـي
الله يحـرق مصنعـك مـع مبانيـك
والمعرض الموجود فـي بيكاديلـي
ادعي عسى تعمى وتنشـل رجليـك
هذا دعائـي دوم لا جيـت اصلـي
خليتني اركض ورا البنـت هاذيـك
واشوفها اجمل غـرام ٍ حصـل لـي
قلبي عشقها يا ( جيفنشي ) توماتيـك
وان شافها قلبـي يرحـب ...يهلـي
هي رحبت بـي وقالـت الله يحييـك
وقالت هلا باللي عشق زيـن شكلـي
وقالت انا اجمل بنت في اللي حواليك
شف حسني الاخاذ وروجي العسلّـي
طالعتها ثـم قلـت هالقلـب يبغيـك
ومن شاف حسنك خلى غيرك يولـي
ابغي اشوفـك دون مكيـاجيكسيـك
وابغـي اشوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسلّـي
ويوم رجعت لي شربكتني الشرابيـك
وحسيت الارض تدور وانا بمحلـي
الخد كنه يا ( جيفنشـي ) سيراميـك
والوجه شارع مثل شـارع حولـي
الوجـه كنـه بيـت كلـه شبابيـك
منه الحفر في وجهها اللـي يعلّـي
كلـه سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللي تحـط مكيـاج خلهـا تولـي

هههههههههههههههه

صح لسانك ....

فعلاً المكياج له تأثير كبير ....

تسلميييييييييييي
ردك رووووووووعه

صح لسان قايلها وتسلم يمين ناقلها

صح لسآ‘نـ القآ‘يلـ


ولا عدمنآتس يالغلا ..,’‘

صح لسااااااانك
والله حبيبتي المكياج يخلي ال............. ملكة جمال
ويوم العرس ياخد العريس زوجته وهيا ايه في الجمال ..... <<<<<<<<<<< مسكين ويصحى يلاقي صاحبه جنبه هههههههههههههه

تشرفت بمروركم