الإنسان بطبعه أناني ويحمل جزء من التملك للإنسان اللي يحبه فإذا أخطأ تلاقينه مستحيل يعترف بخطأه وإذا حاولتي تناقشيه وأنتي شخص عزيز عليه راح توصلين في الغالب إلى طريق مسدود
راح تواجهك دايم نقطه ماتتعدينها حتى لو كان تعديها حق من حقوقك لأن الإنسان الآخر يشوف الموضوع من طرف واحد ومن زاويه ضيقه وهي إنك لازم تتحملينه لأنه ما أخطى عليك قاصد والحياه تضغط فأنتي لازم تبلعين وتسكتين عشان ماتدخلين في متاهات العتاب والزعل
أما إذا ناقشتيه وهوأساسا ماتهمينه راح يجدها في الغالب فرصه لتنفيس أحقاده فيك0
أما إذا جاء دورك بالغلط أووووووووف تكبر السالفه مرررررررررره وتصير عدم إحساس وأنانيه وقسوه منك وماراح يشوف إلا أسوء حاجه فيك وفي خطأك
بس من وجهة نظري أحيانا الموضوع هذا يكون فيه شي من الحب يعني لومايحبك ماكبر السالفه كان صار خطأك بالنسبه له عادي لأنك مهوب مهمه هذا أحيانــــــــــــــــــــــــــــــــــــــــا
أما في الغالب تكون حجه نبرر فيها التملك والأنانيه
سؤالي ليه دايم نحلم ونحلم ونرفض نصطدم بالواقع حتى لو إكتشفنا إنا نحلم ونضيع حياتنا وفي النهايه مجرد حلم تنثره الطيور مع الغيم ؟؟؟؟؟؟؟؟؟
الجمعة مارس 07, 2008 12:26 am
